Alkoholholdige drikker

Likør

Vin/Fruktvin

Annet

Drikkevarer

Juice

Brus

Kombucha

Oster

Fastost

Hvitmuggost

Blåmuggost

Chevre

Kittost

Krem- og fersk ost

Smelteost

Tradisjonsost

eplemost.jpg

summerred2.jpg

CG6A7888.jpg

CG6A7935.jpg

CG6A4382 sm.jpg

Møre og Romsdal

hanen-logo.png

Hanen

logo-norsk-gardsost-med-rose.jpg

Norsk Gardsost

Skarbo Logo Pink.png

På Skarbø brenn vi for å skape gode opplevingar. Produkta våre er laga av førsteklasses, i stor grad sjølvdyrka råvarer, og det skal vere ei glede å nyte dei. 

Vi har ein flokk gode kyr som gir oss mjølk som vert til smakfulle ostar. I ystinga hentar vi inspirasjon både frå gardshistoria – Bygdens meieri var i drift på Skarbø fram til 1917 – og ifrå Carlos sine spanske røter i Sierra Nevada. Den eine osten vår, Carmen, er oppkalla etter Carlos si bestemor, og har skorpe av olivenolje og røykt, spansk paprika. 

Vi lagar også eplemost og sider av lokale eple. Frukt av fine tradisjonssortar dyrka her oppe, langt mot nord, gir ein ekstra fyldig smak og aroma. Vi lagar fleire produkt av ulike eplesortar, som kvar har sin særeigne smak og karakter. 

Vi er åttande generasjon på garden, og det har vore drift her i alle fall sidan Vikingtida. Det er både underleg og fint å tenkje på at forfedrane og -mødrene våre har dyrka denne same jorda som vi i dag tek hand om og lever av, i mange hundre år. Vi set vår ære i å lage gode kvalitetsprodukt på ein berekraftig måte, som tek vare på natur og kultur for framtidige generasjonar.  

Kristine Ruiz-Skarbø

KRISTINE SKARBØ

Soleglad skorpefri er den mildaste varianten av Soleglad, ein frisk og smakfull ost med litt sprø konsistens. Fin til brød, og super i salat. Om du vil, set prikken over ien med ein liten klatt kortreist syltetøy eller gelé.

Vi ystar vinterstid, når mjølkemengda er på topp, og dei grøne bøane kviler under snøen. Så snart kyrne er mjølka om morgonen, er ystinga i gang, og gjennom dagen vert den heilt ferske, upasteuriserte mjølka forvandla til ostemasse, og så til runde hjul. 

Heile prosessen er eit handverk utført med kjærleik, tolmod og nøyaktigheit. Fordi vi ikkje gjer noko anna med mjølka før ystinga enn å varsamt helle henne over i ystekaret, beheld vi den reine mjølka til fulle, med alt den har av næring og smak. 

Modningslageret med veggar av naturstein og hyller av gran, har naturleg akkurat passe temperatur for at den gode og fyldige ostesmaken kan utvikle seg vidare. Der inne vert ostane snudde og stelte. Modninga kan halde fram i mange månader – dess lenger dei vert lagra, dess meir aroma får dei. Dette speglar seg i sluttproduktet, som vert noko av det sunnaste og beste du kan ete.

Soleglad skorpefri

Sidrane våre er handverksprodukt, og laga med kjærleik i det vesle sideriet på garden. Skarbø Sider Utvalde sortar er laga av fleire gode, tradisjonsrike sortar, slik som Kaupanger, Torstein og Signe Tillisch, dyrka her på garden og i området rundt. Sideren er eit naturprodukt – spontangjæra og sulfittfri. Jordsmonnet og lokalklimaet gir eple med mykje god syre, og dei edle dropane får ein spesiell karakter og fylde. 



Skarbø Sider Utvalde sortar 2019-årgang: 
*Aroma: Duft av sitrus og blomar. 
*Smak: Rund og sødmefylt inngang, og frisk, balansert avslutning med hint av grapefrukt. God, fyldig ettersmak.
*Søtleik og styrke: Halvtørr. 8% vol.
*Passar til: Aperitiff, tapas, sjømat, lam, grillmat.

Skarbø Sider Utvalde sortar

Skarbø Sider Fryd er ein frisk og sprudlande sider, laga for å spre glede på små og store feiringar i livet.

Fryd er eitt av fire ord som er viktige for oss i livet på garden: fryd, glød, håp og mot. Du finn dei på toppen av korka. 

Aroma: Floral og fruktig med hint av honning.

Smak: Fyldig smak av gult eple, innslag av steinfrukt og honning.

Farge: Lys gylden.

Søtleik og styrke: Halvtørr. 7% vol.

Skarbø Sider Fryd

Skarbø Sider Prins er ein sortsrein sider laga av berre ein eplesort: Prinsareple. Denne kan du nyte anten du er ein prins, har ein prins, drøymer om ein prins, eller berre er glad i denne tradisjonelle norske eplesorten.

Aroma: Rik aroma av blomar, honning og sitrus.
Smak: Frisk, rein eplesmak med hint av valnøtt og urter. Perlande og god lengde.

Farge: Lys gylden.

Søtleik og styrke: Halvtørr. 7% vol.

Skarbø Sider Prins

Skarbø Sider Petrine er ein sortsrein sider laga av berre ein eplesort: Petrine. Dette er eit heilt unikt, lokalt eple, avla fram av prestedotter Helene Petrine Hvidt på 1800-talet.

Vi lagar kvart år eit lite parti med Petrine-sider, med eple frå berre to eldgamle tre. Det eine tronar øvst på Storåkeren nedanfor tunet vårt og det andre står på nabogarden.

Aroma: Floral, med preg av eple, hint av honning, karamell og høy. 

Smak: Frisk smak med preg av eple og sitrus.  Perlande og krema munnkjensle.

Farge: Brilliant, strågul.

Søtleik og styrke: Tørr. 5,5% vol.

Skarbø Sider Petrine

Skarbø Eplemost Filippa er ein sortsrein most laga av ferske eple av den tradisjonsrike eplesorten Filippa. Smakfull og syrefrisk og eit godt følgje til måltid.

Eplemosten vår inneheld berre hundre prosent eple frå garden vår og området rundt. Vi pressar most av ulike sortar, slik at alle kan finne sin favoritt. Mosten er fin å servere til gode måltid og ein herleg tørstedrikk.

Dei nordlege breiddegradene, med lyse sommarnetter, og friske vindar frå nordvest, gjev epla heilt spesielle vekstvilkår. Dette gir ein ekstra fyldig smak og aroma på eplemosten. Alt vert laga i det vesle sideriet på garden, der epla vert kverna og pressa, og mosten pasteurisert og tappa på flasker. Vi tilset ingenting i prosessen, berre presisjon og arbeidsglede. Ei rein nyting!

Skarbø Eplemost Filippa

Skarbø Eplemost Discovery er ein sortsrein most laga av ferske eple av den opprinneleg engelske sorten Discovery.  Fruktig aroma med hint av steinfrukt, og fyldig, god eplesmak.

Skarbø Eplemost Discovery

Skarbø Eplemost Gravenstein er ein sortsrein most laga av ferske eple av Gravenstein.  Frisk og karakteristisk aroma og smak av denne kjære tradisjonssorten.

Skarbø Eplemost Gravenstein

Skarbø Eplemost Raud Aroma er ein sortsrein most laga av ferske eple av den tradisjonsrike eplesorten Aroma. Smakfull og balansert og eit godt følgje til måltid såvel som tørstedrikk.

Skarbø Eplemost Raud Aroma

Skarbø Eplemost Bramley's Blend er laga hovudsakleg av den engelske sorten Bramley's Seedling, saman med litt Rubinstep, Rubinola og Filippa. Svært frisk, og fint alkoholfritt alternativ til mat.

Skarbø Eplemost Bramley's Blend

Skarbø Eplemost Rosette er ein sortsrein most laga av ferske eple av den opprinneleg engelske sorten Rosette. Flott aroma, og fin, naturleg raudfarge frå dette eplet, som også er rosa på innsida.

Skarbø Eplemost Rosette

Glød er ein rosésider laga av eple og friske bær frå hagen: bringebær, rips og morell.

Skarbø Sider Glød har ein aldeles nydeleg raudfarge, og vi håpar at den vil gi glød og glede til mange. Glød er eitt av fire ord som er viktige for oss i livet på garden: fryd, glød, håp og mot. Du finn dei på toppen av korka.

Aroma: Duft av roser og raude bær.

Smak: Fruktig, tørr og fyldig smak med preg av rips, bringebær og morell. Balansert med god lengde.

Farge: Gylden raud.

Søtleik og styrke: Tørr. 7% vol.v

Skarbø Sider Glød

Soleglad vellagra er modna på granhyller i minst seks månader. Soleglad vellagra er modna i minst seks månader, og har ein ekstra fyldig smak. Konsistensen vert fastare og smaken meir konsentrert. Kan minne om spansk manchego. Særleg fin til tapas, og hevar smaken i gode måltid – høvle gjerne over supper og pastarettar, og bruk til gratinering.

Soleglad vellagra

Soleglad lagra er modna på granhyller i minst to månader. Smaken er frisk og rund, og konsistensen mjuk og fin. Passar til det meste, både som pålegg og til kos. Putt ein bit i munnen, og kjenn vårsol og yrande glede.

Soleglad lagra

Carmen kombinerer det beste frå nord og sør – fersk mjølk frå garden og krydder frå Spania. Den mjuke og milde osten får ei smakfull og spanande skorpe av røykt paprika og kaldpressa olivenolje. Drøym deg til sørlegare breiddegrader med Carmen, oppkalla etter Carlos si bestemor, som kvart år tørka lange remser av paprikaer i solveggen på det kvite murhuset sitt. Perfekt til tapas og vakker på ostebordet. Skjer gjerne fine skiver der den raude skorpa får pynte kvar bit.

Carmen

Apal er unik og herleg - ysta av upasteurisert, fersk mjølk, og modna i sider frå garden.

Apal får bade i sider, laga av eple frå dei store eplehagane på garden. Sideren gir osten eit tydeleg syrleg og friskt preg, og den passar fint til tapas og saman med mild spekeskinke. Veit du kva Apal betyr? Det er eit godt, norsk ord for epletre, og du finn treet att på etiketten.   

Apal

Eplemosten vår inneheld berre hundre prosent eple frå garden vår og området rundt. Vi pressar most av ulike sortar, slik at alle kan finne sin favoritt. Mosten er fin å servere til gode måltid og ein herleg tørstedrikk.

Dei nordlege breiddegradene, med lyse sommarnetter, og friske vindar frå nordvest, gjev epla heilt spesielle vekstvilkår. Dette gir ein ekstra fyldig smak og aroma på eplemosten. Alt vert laga i det vesle sideriet på garden, der epla vert kverna og pressa, og mosten pasteurisert og tappa på flasker. Vi tilset ingenting i prosessen, berre presisjon og arbeidsglede. Ei rein nyting!  

Skarbø Eplemost

Arvegull er ein sider med god friskheit og fylde, laga av fine eplesortar frå den store plantearven vår.

Vi brenn for å ivareta det biologiske mangfaldet for framtida. Den beste måten å gjere det på for kulturplanter, er å bruke dei - så Arvegull er laga av eple frå fleire ulike tradisjonssortar.       

Aroma: Tropisk frukt, sitrus, urter, hint av honning.

Smak: Frisk og fyldig med preg av tropisk frukt og sitrus. Balansert avslutning.

Farge: Gylden.

Søtleik og styrke: Halvtørr. 7% vol.

Skarbø Sider Arvegull

Dagligvare

Gårdsbutikk

Storhusholdning

Skarbø er ein tradisjonsrik, familiedriven vestlandsgard som ligg på Stranda på Sunnmøre. I meieriet ystar vi av den gode, ferske mjølka frå kyrne våre og i sideriet lagar vi edle dråpar av nypressa eple.

Ingredienser	Eple og nokre gram sukker
Allergener	warningIngen
Egenskaper	Sulfittfri, utan nokon kjemiske tilsetjingar, spontangjæra
Oppbevaring	Aller best horisontalt, kjøleg og mørkt. Men toler også romtemperatur og vertikal lagring.