I Salamander Hildegard er humla i stor grad erstatta med pors. Heilt attende til eldre bronsealder har pors vore nytta som smakstilsetting i mjød og øl. I middelalderen er det Hildegard av Bingen som fyrst skriftleg formidlar porsens eigenskapar som ølkrydder. Ho meinte at øl måtte kokast med blad og frukter frå pors for at drikken skulle verta helsefremjande.

Me i Salamander Bryggeri er glade i kommunen vår og har nytta pors frå Framnes i Sveio og ein liten klunk sjøvatn frå Sletta i vår Salamander Hildegard.